Nicolai Krog Bredal Oneiro-Kosmos. Id est mundus in somnio, poëma philosophico-heroicum (Hafniae, 1753): Editio diplomatica, praefatione notisque instructa

Abstract

<i>Introduction</i>: Die 2:o mensis Martii anni 1753 textus Latine conscriptus c.t. <i>ONEIRO-KOSMOS. Id est Mundus in Somnio, Poéma Philosophico-Heroicum</i> paginas 66^am ad 73^am periodici <i>Kiøbenhavnske nye Tidender om lærde og curieuse Sager</i> (sive 'Novellae Hafnienses de rebus eruditis scituque diagnis') nuncupati implevit. Quo in periodico alias Danica lingua colebatur, interdum autem Latina aliave. Praefationis loco editor Laconice 'Følgende bliver', inquit, 'efter en vis Herres Forlangende meddelt', sive 'Sequentia iussu cuiusdam Domini communicantur'. Dominus ille vero in textus calce designator litteris 'N.K.B.', quibus sine dubio Nicolaus (vel Niels) Krog Bredal exprimitur.