Uavslutta vitskapeleg etterskrift til "Ein betre vår ein gong. Elias Blix"

Abstract

Hovuddelen av avhandlinga er ein biografi om salmediktaren, teologen, lingvisten og politikaren Elias Blix (1836-1902). Biografien granskar samspelet mellom nokre av dei viktigaste sosiale, politiske og kulturelle endringsprosessane som forma det moderne norske samfunnet i siste halvdel av 1800-talet, slik dette kjem til uttrykk i ei individuell livsforteljing. Eit etterskrift gir eit oversyn over forskingssituasjonen, diskuterer kjeldegrunnlaget for boka, drøftar grunnlagsproblem knytta til den historiske biografien og presenterer dei sentrale problemstillingane og teoriane boka byggjer på.