Davvisámegiela nullasubjeavttaid ohcan: Unna pro ja stuorra PRO

Abstract

Dát dutkkus gieđahallá davvisámegiela nulla subjeavttaid. Davvisámegiella gullá gielaide, main subjeaktasátni ii álo leat oidnosis. Dán barggus iskkan, mo dán sáhttá čilget generatiivva syntávssa vuođul. Dutkansuorgin lea minimalismma prográmma. Subjeavtta ja vearbba gaskasaš soabadeapmi lea dehálaš unna pro oktavuođas ja lean dás čájehan, mo unna pro doibmá. Infinihttahámit gusket ges stuorra PRO:ii ja ovdanbuvttán analysa, mo stuorra PRO doaibmá dakkár cealkagis, mas lea infinihttahápmi. Maiddái passiivacealkagat leat leamaš dehálaččat dieđuid ovdanbuktimis.