Vi må halde kontakten med russiske akademikarar og intellektuelle

Abstract

«Eit kvart folk, og særleg det russiske, vil klare å skilje ekte patriotar frå avskum og forrædarar og kjem ganske enkelt til å spytte dei ut som eit insekt som tilfeldigvis har hamna i munnen.» <p>

<p>Med disse orda vende den russiske presidenten seg til folket i Russland for nokre dagar sidan. Språket er grovt, og meldinga er klar: Har du kontakt med vesten, skal det gå deg ille.<p>

<p>Krigen i Ukraina har til fulle vist kva slags regime vi har i vårt største granneland. Russland er styrt av menneske som har rana til seg store verdiar frå folket, og som ikkje skyr noko middel i den blodige krigen dei har sett i gang.<p>

<p>I ein slik situasjon er det forståeleg at somme tar til orde for å kutte alt samarbeid med Russland. Eg vil argumentere for at det ikkje er klokt. Eg vil nytte forsking som døme, for det er eit område der eg sjølv har erfaring.