Rapport omsvangerskapsavbrot 2022

Abstract

Det føreligg statistikk over talet på begjæringar, tal på innvilga begjæringar i nemnd og tal på utførte svangerskapsavbrot i Noreg sidan 1979. Statistisk sentralbyrå hadde ansvaret for abortstatistikken frå 1979 til og med 2005. Frå og med 2006 har Folkehelseinstituttet vore ansvarleg for statistikken, og frå og med 2008 ansvarleg for databehandlinga av Register over svangerskapsavbrudd (Abortregisteret). Innsamling, lagring, handsaming og utlevering av opplysningar i Abortregisteret er regulert i abortregisterforskrifta med heimel i helseregisterlova § 8 andre, fjerde og femte ledd, § 9 andre ledd, § 10, § 16 fjerde ledd, § 17 tredje ledd og § 34 fjerde ledd. Denne rapporten viser endelege tal over begjæringar om og utførte svangerskapsavbrot i Noreg i 2022.