Deling av private hytter gjennom finn.no og inatur.no

Abstract

Masteroppgåva analyserer deling av private hytter som eit mogleg tiltak mot miljøproblema knytt til hyttebygging. Teoretisk byggjer oppgåva på Shove et al. (2012) sin treelementsmodell og Halkier (2001) sine ambivalensomgrep. Deling gjennom plattformer som finn.no og inatur.no vert undersøkt som ein del av det grøne skiftet. Studien baserer seg på ti semistrukturerte intervju med både hyttevertar og leigetakarar. Problemstillinga er: «Kva faktorar kan bidra til å bryte barrierar for deling av private hytter gjennom delingsplattformer?» To forskingsspørsmål spissar temaet: 1) Korleis kan ein forklare deltakarane sine skildringar av delingspraksisen ved hjelp av elementa materiale, tyding og kompetanse? og 2) Korleis kan ein forstå den indre usemja knytt til delingspraksisen sosiologisk? Med «indre usemje» vert det meint det som i sosiologien vert kalla ambivalens. Metodisk vert det nytta ei stegvis-deduktiv-induktiv tilnærming, men òg ein deduktiv analyse basert på praksisteori. Funn frå studien indikerer at økonomisk tyding og relevant kompetanse kan bryte barrierar for deling. Tidlegare erfaringar med delingsøkonomi kan senke terskelen for deltaking. I delingspraksisen er ambivalens ein normaltilstand, men når han vert opplevd som spenning, krev det handteringskompetanse. Utan handteringskompetanse kan delinga stoppe opp. Dette vert kalla flytande ambivalens, eit konsept som forklarer når ambivalens får positive eller negative utfall – relevant for å forstå og marknadsføre samarbeidande forbruk.

This master's thesis analyzes the sharing of private cabins as a potential measure to address the environmental issues related to cabin construction. The thesis draws theoretically on Shove et al.’s (2012) three-element model and Halkier’s (2001) concept of ambivalence. Sharing through platforms such as finn.no and inatur.no is examined as part of the green transition. The study is based on ten semi-structured interviews with both cabin owners and renters. The research question is: «What factors can help overcome barriers to sharing private cabins through sharing platforms?». Two sub-questions sharpen the focus: 1) How can participants' descriptions of sharing practices be explained using the elements of material, meaning, and competence? and 2) How can the internal disagreement related to the sharing practice be understood sociologically? The term “internal disagreement” refers to what is known in sociology as ambivalence. Methodologically, a stepwise deductive–inductive approach is applied, along with a deductive analysis using practice theory. Findings from the study show that economic meaning and relevant competence can help break down barriers to sharing. Previous experience with the sharing economy can lower the threshold for participation. Ambivalence is a normal state in sharing practices, but when it is experienced as tension, it requires competence to manage. Without such competence, the sharing practice may cease. This is referred to as floating ambivalence, a concept that explains when ambivalence leads to positive or negative outcomes – relevant for understanding and promoting collaborative consumption.